Shporta

0 Produkti - 0L

Shtëpia Botuese Toena

Të dhënat e Librit

Dashuri që lag si shi

Author:

1,000L

Lloji: Roman
Përktheu: Albina Pulla
ISBN: 978-99943-1-752-3
Formati: 13×20
Faqe: 520

Kategoritë ,
Shpërndaje në rrjetet sociale:

Përshkrimi

Klelia… Një emër – stacion në jetën e saj.
Mamaja e saj e adhuroi personazhin e shkrimtarit Ksenopulos, dhe pak para se të ikte nga kjo jetë i vuri emrin e saj. Pa dashur i dhuroi dhe fatin e konteshës rrezatuese. Ekzistonte dhe për të një Pavllo, i dashuruar thellësisht dhe totalisht. Por Klelia donte të njihte dashurinë ashtu si e kishte lexuar në fletët e librave. Dhe gjeti Denisin e saj në personin e Niqiforit.

Vite më pas, e vetme dhe e mbyllur në vetvete, në mes të shkëmbinjve dhe guaskave të thyera, vazhdon të jetojë në shoqërinë e kujtimeve që e lëndojnë dhe dëshirave të fjetura. Por, papritur, një vajzë e vogël hyn në jetën e saj. Dhe… për çudi… kanë të njëjtin emër !

Një histori romantike, ashtu si ëndrrat vajzërore. Një grua që shfaqet nga deti i errët i pasionit, që të vështrojë, tashmë e pjekur, diellin verbues të dashurisë!

Iu afrua dhe duart e tij u mbështollën rreth saj së bashku me ngrohtësinë që përçonin. Buzët e tij prekën buzët e saj, në fillim butë por pastaj, pasi duart e tij e shtrënguan akoma më shumë, dhe puthja e tij u bë më e thellë, a thua se po i bënte transfuzion jete. Një det i ngrohtë e rrethoi, shpërthimi i dinamitit në veshët e saj zhduku shkëmbinjtë e jetës së saj, asgjëkund nuk dukeshin guaska të thyera, as korale, i ishte larguar thellësisë dhe i drejtohej sipërfaqes së tij, ku nuk kishte më dallgë dhe vetëm në sytë e saj u pasqyruan perlat…
Dhe këtë herë varka e saj ishte krevati dhe bashkudhëtar ishte ai… vetëm ai…
…Dielli atë agim u ngjit lart me guxim. Ndoshta ngaqë e dinte se në një cep të vogël të tokës do ndriçonte njerëz të lumtur. Në fillim, dërgoi një ndriçim të butë, të zbehtë, pothuajse rozë, që të ngjyroste udhëtimin e hënës para se ajo të zhdukej meqë kjo e fundit nuk dukej e gatshme të ndahej nga lumturia e çiftit të cilën e kishte ndjekur gjithë natën hap pas hapi. Pas ngjyrës rozë, erdhi ajo portokallia e ndezur, në vend të tapetit të kuq, që tregonte shfaqjen e tij triumfuese.

Lena Manda u shpall “Shkrimtarja e Vitit 2009” nga revista “Life & Style”, Greqi.


 

Lena Manda lindi në Stamboll, por erdhi në Greqi në moshë të vogël. Studioi për edukatore kopshti, profesion të cilin nuk e ka ushtruar. Për tre vjet kishte trupën e saj të teatrit të kukullave, që vinte në skenë vepra të cilat i kishte shkruar ajo vetë. Ka publikuar artikuj në gazetat lokale dhe për dy vjet ka qenë drejtore programi në një stacion radiofonik të Athinës. Është e martuar, ka dy fëmijë dhe jeton në Kapandriti.
Libri i saj “Theanoja – Ujkonja e Stambollit” është përkthyer e botuar dhe në turqisht. Eshtë vlerësuar me titullin “Shkrimtarja e Vitit 2009” nga revista “Life & Style”.
Ka botuar gjithashtu romanet “Vals me 12 perëndi”, “Shtëpia në breg të lumit”, shitjet e të cilit tejkaluan 110.000 kopjet që vitin e parë që u hodh në treg, si dhe “Ana tjetër e medaljes” dhe “Cigarja e fundit”, “Deri në skaj të ylberit”. “Dashuri që lag si shi” është romani i parë i saj që botohet në shqip.

Vlerësime

Nuk ka asnjë vlerësim për këtë libër

Be the first to review “Dashuri që lag si shi”

Adresa juaj email s’do të bëhet publike. Fushat e domosdoshme janë shënuar me një *